På kart

Kystmuseet i Sogn og Fjordane er ei avdeling i Musea i Sogn og Fjordane, og er regionmuseum for kystkommunane i Sogn og Fjordane. Museet har administrasjonsstad i Florø.

Museet har kring 6 000 registrerte gjenstandar. Samlingane speglar livet ved kysten av Sogn og Fjordane frå midten av 1700-talet og fram til i dag. Den fortel om fiskerinæringar og sjøfart, om kystorienterte handverk, om fiskarbondens liv og om livet i byen Florø.