STOKKEBÅT FRÅ HEMSEDAL
Funne ved Gammen - ein arm av Vannen 850 m.o.h. I Hallingdal er funne tre stokkebåtar. Denne som er funne i Hemsdal er 3 meter lang. Det er nokså kort, gjennomsnittet på undersøkte båtar i Norge er drøyt 4,5 meter. Vi veit ikkje om desse båtane vart padla eller staka, heller ikkje om hola som syner foran o...
STOKKEBÅT FRÅ HEMSEDAL
Funne ved Gammen - ein arm av Vannen 850 m.o.h. I Hallingdal er funne tre stokkebåtar. Denne som er funne i Hemsdal er 3 meter lang. Det er nokså kort, gjennomsnittet på undersøkte båtar i Norge er drøyt 4,5 meter. Vi veit ikkje om desse båtane vart padla eller staka, heller ikkje om hola som syner foran og bak på båe sider har vore til feste av uteliggjarar eller skvettbord. Lasteevna til desse båtane var ikkje stor og dei har neppe egna seg til å frakte last. Helst er det timeleg å knytte bruken av båtane til fiske med garn eller andre faste innretningar. Det er feste for ein lysterfakkel bak på nokre av dei båtane som er funne. Denne båten er frå omlag år 1400 etter Kristi fødsel, men elles er typen kjent frå heile forhistoria like til vår tid. Båten er ei gåve til Hemsedal Bygdatun frå Knut Skolt, Hemsedal. Idag er stokkebåten utstilt i fjøset på Hemsedal Bygdatun, Øvre Løkji.
"Ein junidag i 1960 dreiv tre karar med kartlegging av Eikreskogen ved Vannen under Skogshorn. Ved vasskanten vart ein av dei ståande på ei tuve. Då han merka at tuva vippa opp og ned, vart han nyfiken. Dette måtte dei granske nærare. Då dei fjerna torva, fann dei ein stor stokk. Han var uthola i lengderetningen, og dei skjønte det var ein stokkebåt dei hadde funne. En av dei, Knut Skolt, tok var på båten. Idag er båten utstilt på Bygdatunet i Hemsedal." Teksten er henta fra boka: Bloch-Nakkerud, Tom og Lindblom, Inge (1994): Far etter folk i Hallingdal. Få leiting etter den eldste historia.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».